ԽՆԱՄԵՔ ՄԱՇԿԸ ԳՐԱԳԵՏ
Արտաքին միջավայրի ազդեցությունը աշխատանքային լարվածությունը, տարբեր սթրեսներն ու առօրյա խնդիրները կարող են անդրադառնալ մարդու ոչ միայն հոգեբանության, այլև ֆիզիոլոգիայի վրա: Եվ, իհարկե, յուրաքանչյուր զգայական վիճակ առաջին հերթին իր հետքն է թողնում դեմքին: Վերոնշյալ պայմանները, ինչպես նաև սննդի սխալ կիրառումը, վիտամինների բացակայությունը կամ չարաշահումը, անշուշտ, անդրադառնում են մաշկի վիճակի վրա` առաջացնելով մի շարք խնդիրներ: Այս դեպքում մեզ օգնության են հասնում մաշկի որակը բարելավող դիմակները:
1. ԴԵՄՔԻ ՄԱՇԿԸ ՄԱՔՐՈՂ ԴԻՄԱԿ Հասած ավոկադոյի միջուկը տրորել, ավելացնել 1 ձվի հարած սպիտակուց, 1 թ. գ. կիտրոնի հյութ, լավ խառնել, քսել դեմքին և թողնել 10 րոպե: Ապա լվանալ գոլ ջրով և քսել սնուցող քսուք:
2. ԴԵՄՔԻ ՄԱՇԿԸ ՍՆՈՒՑՈՂ ԴԻՄԱԿ 1 գազարը մաքրել, լվանալ, քերել մանր անցքեր ունեցող քերիչով, ավելացնել 1 ձվի դեղնուց և 2 ճ. գ. օսլա: Խառնել, քսել դեմքին, 15-20 րոպե անց լվանալ գոլ ջրով:
3. ԴԵՄՔԻ ՄԱՇԿԸ ՁԳՈՂ ԴԻՄԱԿ 1 թ. գ. դոնդողանյութի վրա լցնել 3 ճ. գ. սառը ջուր, խառնել, թողնել 1 ժամ ուռչի, այնուհետև ավելացնել 40 գր գլիցերին, խառնել, մի քիչ տաքացնել և թողնել հովանա: Ապա թանզիֆը թաթախել ստացված խառնուրդի մեջ և դնել դեմքին: